د کوچیانو چارو د سمون له لوی رئيس سره کتنه!
د سرحدونو او قبایلو چارو وزارت سرپرست او نوماند وزیر ښاغلي محب لله صمیم نن سه شنبې د ۱۳۹۹ لمریز کال د وږي میاشتې پر ۲۵ مه نېټه د کوچیانو چارو د سمون له لوی رئيس ښاغلي استاد حبیب الرحمن او ملګرو سره یې د خپل کار په دفتر کې وکتل.
په دې کتنه کې، چې د وزارت د جرګو او قبایلو چارو د همغږۍ مرستیال ښاغلی محمد یعقوب احمدزی هم حاضر و، ښاغلي استاد حبیب الرحمن احمدزی د سرحدونو او قبایلو چارو وزارت د نوي سرپرست او نوماند وزیر د ټاکل کېدو له امله ښاغلي صمیم ته د مبارکې ویلو ترڅنګ نوموړی یو وړ او مجرب شخص یاد او د دواړو ادارو ترمنځ یې د ګډو همکاریو د پراختیا او دوام ژمنه وکړه.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د کوچیانو چارو د سمون له لوی رئيس د راتګ څخه خوښي څرګنده کړه، په ګډو هلو ځلو او همکاریو یې ټينګار وکړ.
