په کونړ کې د کورنۍ تاوتریخوالي پرسر راپورته شوې شخړه هواره شوه
شنبه/ ۹/ شوال المکرم/۱۴۴۷ د کونړ ولایت د پېچ درې او وټه پور ولسوالیو د دوو کورنیو ترمنځ د کورني تاوتریخوالي پرسر څه موده وړاندې پېښه شوې شخړه.
یاده شخړه د کونړ د سرحدونو ،قومونو او قبایلو چارو ریاست مسؤلینو، دینې عالمانو، قومي مشرانو او مسؤلینو د پرله پسې هڅو په پایله کې د یوې قومي جرګې او مرکې په ترڅ کې داسې مهال حل شوه چې قومي مشرانو او علماوو په خپلو ویناوو کې د عفوې، ورورولۍ او یووالي پر ارزښتونو ټینګار وکړ.
دغو مشرانو او مسؤلینو د موضوع په اړه له هر اړخیزو معلوماتو وروسته د ښکېلو غاړو ترمنځ عادلانه پرېکړه وکړه، چې دواړه لوري له قناعت وروسته یو بل ته غاړه غړۍ شول. د مرکې په وروستیو کې طرفینو له منځګړي پلاوي مننه وکړه او جرګه د دعاء یه کلماتو سره پای ته ورسېده.
