له قومي مشرانو او مخورو سره لیدنې!
د سرحدونو او قبایلو چاروو وزارت مسلکي معین ښاغلي ډاکټر فریدون بارکزي پرون د خپل کار په دفتر کې د فراه ولایت له قومي مشر ښاغلي حمیدالله بارکزي، له مدني فعال او د ملي غورځنګ له استازي ښاغلی عطا الله حیران او د وزارت له سلاکارې اغلې رڼا ترین سره وکتل.
په دې کتنه کې یادو مشرانو او مخورو خپلې یولړ ستونزې د حل په موخه د وزارت له مسلکي مرستیال سره د شریکولو ترڅنګ د سولې او قومونو د انسجام په برخه کې د وزارت د هلو ځلو ستاینه وکړه.
ورپسې د وزارت مسلکي مرستیال ښاغلي بارکزي د دوې له ملی احساس څخه د مننې په ترڅ کې دوې ته ډاډ ورکړ، چې د ستونزو په هوارولو کې به یې همکاري وکړي.
نوموړو همدار راز په یو لړ نورو موضوعاتو باندې هم خبرې وکړې.
