د وزارت فرهنګي کړنې وستايل شوې!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي د روان کال د تلې میاشتې په ۲۳ مه نېټه د هېواد نومیالي لیکوال او شاعر ښاغلي پوهاند رازقي نړیوال سره د خپل کار په دفتر کې وکتل.
په دې کتنه کې ښاغلي رازقي نړيوال د وزارت له محترم مشرتابه په تېره بيا له مسلکي معينیت او دعامه پوهاوې ریاست څخه مننه وکړه، چې د نوموړي کتاب يې په ښکلي صحافت سره چاپ کړى دى.
همدا راز ښاغلي مسلکي معين د ښاغلي نړیوال کتاب، چې پنځوس علمي مقالې تر سرلیک لاندې د سرحدونو او قبایلو چارو وزارت په همکارۍ او مالي مرسته چاپ شوی له ارزښته ډک وبللو هیله یې څرګنده کړه، چې له محتویاتو څخه به یې لوستونکي، چې د یو شمېر سیمو د تاریخي جغرافيې څخه بحث کوي ډېره ښه ګټه پورته کړي .
