د جنوب لوېديځې حوزې له قومي مشرانو سره د هېواد د روانو حالاتو او په ټاکنو کې د خلکو د پراخ ګډون په اړه سلامشورې وشوې!
د سرحدونو او قبايلو چارو وزير محترم محمد شفيق ګل آغا شېرزي نن ماښام د روان لمريز کال د وږي په 22مه نېټه په کندهار کې د خپل مېلمستون په انګړ کې د جنوب لوېدېځې حوزې له قومي مشرانو، مخورو، ټولنيزو فعالانو سره په کتنه کې د هېواد د روانو حالاتو او په ولسمشريزو ټاکنو کې د ولسونو د پراخ ګډون په اړه مشورتي غونډه وکړه.
د غونډې ټولو ګډونوالو په يوه غږ د ټاکنو د ترسره کېدو ملاتړ وکړ او ژمنه يې وکړه، چې د هېواد ملي ګټو ته په پام سره به خپل خلک په راروانو ولسمشريزو ټاکنو کې پراخ ګډون ته وهڅوي.
نوموړو دغه راز پر طالبانو هم غږ وکړ، چې له افغان دولت او ملت سره اوربند وکړي او بين الافغاني خبرو اترو ته لبيک ووايي
