د سرحدي پلټنو مرستیال د بدخشان د اشکاشم ولسوالي له سرحدي منسوبينو سره وکتل
شنبه ۱۴ ربیعالأول ۱۴۴۸
د سرحدونو، قومونو او قبایلو چارو وزارت د سرحدي پلټنو مرستیال مولوي عنایت الله شجاع بدخشان ولايت ته د خپل سفر پرمهال د دغه ولايت د مرستيال والي، امنيه قمندان او د کنډک له مسؤلينو سره د سرحدي سيمو پر ضيت او د خلکو پر مشکلاتو ناسته وکړه.
ښاغلی شجاع له دې ناستي څو ساعته ورسته له مل پلاوي سره يوځای د ياد ولايت اشکاشم ولسوالي ته ولاړ او هلته يې د ولسوالي له مسؤلينو سره ترکتنې وروسته له سرحدي سيمو په داسې حال کې لېدنه ترسره کړه، چې د امنيه قمندان، کمېسارۍ استازو او سرحدي ځواکونو حضور درلود.
نوموړي د سرحدي چارو د تنظیم او اړوندو ادارو ترمنځ د همغږۍ په برخه کې لازمې سپارښتنې وکړې. ښاغلي شجاع همداراز د سرحدي سیمو وضعیت و ارزاوه او د سرحدي منسوبينو د فعاليتونو د ستاينې ترڅنګ يې ستونزو ته د رسېدنې په موخه د لازمو اقداماتو پرپلي کولو ټينګار وکړ.
