دايکندي کې د سيمه ييزو خلکو او کوچيانو ترمنځ د شخړې حل
شنبه ۲۷ ذوالحجة الحرام ۱۴۴۷
د دایکنډي ولایت د سرحدونو، قومونو او قبایلو چارو آمریت د سنګ تخت او بندر ولسوالۍ د سیرک په سیمه کې د کوچیانو او ځایي اوسېدونکو ترمنځ رامنځته شوې دوه شخړې د ولسوالۍ د مسئولینو، قومي مشرانو او مخورو په همغږۍ حل او فصل کړې او يادو اختلافاتو ته یې د پای ټکی کېښود.
د دغه آمریت مسؤلينو ذکر شويو ولسواليو ته د خپل سفر په ترڅ کې د ولسواليو د مشرانو او قومي مخورو په همکاري هغه اختلافات او لانجې حل کړې، چې د څړځایونو او علفچرونو پر سر د کوچیانو او ځایي خلکو ترمنځ رامنځته شوې وې.
په پای کې د دواړو اړخونو مشرانو د مسؤلينو له لوري د ترسره شوې پرېکړې هرکلی وکړ او ژمنه یې وکړه چې له دې وروسته به خپل ژوند د ورورولۍ او سولې په فضاء کې تېروي.
