د خوست، ننګرهار او هرات ولايت په يوشمير ولسواليو کې ولسي غونډې جوړې شوې
چهارشنبه ۳ ربيع الأول ۱۴۴۷ د اسلامي اخوت او ټولنيزو ستونزو د حل په موخه د ولسواليو په کچه د ولسي غونډو په دوام تېره ورځ د خوست په شمل دوه منده ولسوالي، د ننګرهار په شيرزادو او د هرات په زنده جان ولسوالي کې.له عامو خلکو، قومي مشرانو، علماوو او ولسواليو مسؤلينو سره پراخې ولسي غوندې ترسره شوې.قومي مشرانو د خپلو سيمو پر شته ستونزو رڼا واچوله او د هغو د حل غوښتنه يې وکړه. دوی په خپلو خبرو کې د اسلامي امارت په لاسته راوړنو خوښي څرکنده کړه او د سرحدونو قومونو او قبایلو چارو وزارت څخه يې مننه وکړه، چې د ليري سرحدي سيمو د خلکو خدمت ته کار کوي.د يادو غونډو پرمهال مسؤلينو د اسلامي اخوت پر ټينګښت او د قومي يووالي پر اړتيا خبرې وکړې. دغو مشرانو له قومي استازو وغوښتل چې د اسلامي اصولو پر بنسټ د نظام په پياوړتيا کې فعاله ونډه واخلي او د سولې او ثبات لپاره ګډ کار ته دوام ورکړي.
