په بلخ ولايت کې د دوو کورنيو ترمنځ پېښه شوې شخړه په دوستۍ بدله شوه
د بلخ ولایت په دولت آباد ولسوالۍ کې د دوو کورنيو تر منځ د ځمکو پر سر رامنځته شوې شخړه د ياد ولايت د سرحدونو، قومونو او قبایلو چارو ریاست د مسؤلينو او يو شمير قومي مشرانو په هڅو حل او په دوستۍ بدله شوه. د یادې شخړې د حل پر مهال مسؤلينو او قومي مشرانو په خپلو خبرو کې د قومونو او کورنيو تر منځ په يووالي او اتحاد ټينگار وکړ او زياته يې کړه چې موږ بايد لرې له نفاقه په ورورگلوۍ او همغږۍ کې د خپل نظام او هیواد د پرمختګ لپاره لاسونه سره ورکړو او په هره برخه کې يې قائم او دائم وساتو. د يادو مسؤلينو او قومي مشرانو له خبرو وروسته دواړه کورنيو په خپلو تېرو کړنو پښېماني څرګنده کړه او ژمنه يې وکړه چې له دې وروسته به له یو بل سره د وروڼو په څېر ژوند کوي او یو بل ته به خنډ نه جوړوي.
