د دوو کورنیو تر منځ شخړه حل او په دوستي بدله شوه
د بادغیس ولایت په بالا مرغاب ولسوالي کې د دوو کورنیو ترمنځ رامنځته شوې شخړه چې له امله یې له دواړو لوریو دوه تنه ټپیان شوي وو حل او په دوستۍ بدله شوه. له همدې امله په جوړه شوې ناسته کې د بادغیس ولایت د سرحدونو، قومونو او قبایلو چارو ریاست مسولینو او ځایي دینې عالمانو، قومي مشرانو د دوی تر منځ په منځګړیتوب وکولای شول چې دواړه لوري په خپلو منځونو کې پخلاینې ته وهڅوي او یو بل ته بښنه وکړي. په پای کې دواړو لوریو ژمنه وکړه، چې له دې وروسته به له یو بل سره شخړه نه کوي او د ورورولۍ په فضاء کې به ژوند ته ادامه ورکوي.
