د اړیکو مؤسسې له يو شمير استازو سره ناسته
٤/٨/١٤٤٥ هـ ق
د سرحدونو، قومونو او قبایلو چارو سرپرست وزیر الحاج ملا نورالله نوري نن چهار شنبه په خپل کاري دفتر کې د اړیکو مؤسسې له يو شمير استازو سره ناسته ترسره کړه.
په پیل کې د اړيکو د موسسې راغليو استازو په بېلابيلو برخو کې د يادې موسسې د اجرا شويو فعاليتونو او لاسته راوړنو یادونه وکړه او دغه راز يې په راتلوونکي کې د خپلو نويو پلانونه د جوړولو په پار تفصیلي خبرې وکړې.
په پای کې ښاغلي نوري د اړيکو د موسسې راغليو استازو ته ښه راغلاست ووایه او په هیواد کې د سرتاسري امنیت او اسلامي نظام د قائمېدو یادونه یې وکړه، د یادې موسسې د مسؤلينو له لوري په بېلابيلو برخو کې د لاسته راوړنو او هڅو قدرداني یې وکړه او دغه راز يې د اسلامي امارت پالیسۍ ته په کتو د پوره همکارۍ ډاډ ورکړ.
