د سرحدونو، قومونو اوقبايلو چارو وزارت د ښووني او روزنې نوی چارسمبال رئيس معرفي شو
شنبه، ١٦ د جمادي الاول ١٤٤٤
د سرحدونو، قومونو او قبايلو چارو وزارت اړوند د ښوونې او روزنې رياست نوی چارسمبال رئيس د يوې غونډې په ترڅ کې د ياد رياست کارکوونکو ته وروپېژندل شو.
د وزارت د بشري زېرمو رئيس ښاغلي کريم شاه تيلوي د ښوونې او روزنې رئیس په توګه د ښاغلي مولوي عبدالرحمان د معرفي په غونډه کې د پخواني رئيس له کارونو او فعالیتونو څخه د ستاینې ترڅنګ ښاغلی عبدالرحمان وړ او له اداري معیارونو سره برابر شخص وباله ده ته یې د نوي مسوولیت مبارکي وویله او د بریالیتوب هیله یې وکړه.
همدارنګه نوي چارسمبال رئيس ښاغلي مولوي عبدالرحمان د ياد وزارت رهبري له باور څخه د مننه وکړه هیله یې وښوده چې وکولای شي د خپلو همکارانو په همکاري دا نوی مسوولیت په ښه توګه پر مخ یوسي.
