د ننگرهار ولايت سرحدي ولسواليو او اړوند صفري نقطو څخه ليدنه
د غبرگولې ١٦مه سه شنبه
د سرحدونو، قومونو او قبايلو چارو وزارت نظامي معين ښاغلي احمد طه قادري او مل پلاوي دصفر نقطو د کورديناتو په پار ننگرهار ولايت ته کاري سفر درلود.
په دې سفر کې نظامي معين ښاغلي قادري او ورسره پلاوي د ننگرهار ولايت سرحدي ولسواليو او اړوند سرحدى صفري نقطو څخه له نږدې ليدنه وکړه. وې ويل له خاورې څخه ساتنه د خلکو وجیبه ده قومونه کولی شي په ملي یووالي له ځمکنۍ بشپړتیا څخه دفاع وکړي.
ورپسې د هغه ولایت د سرحدونو، قومونو او قبایلو چارو رئیس د دوو کورنيو ترمنځ د شخړې د حل په موخه له مرکز ننگرهار څخه د سپين غره سرحدي ولسوالۍ په لور سفر وکړ، او تر څېړنې وروسته يې د دواړو جانبو واک تر لاسه کړ.
په خبره يې د دغو واکنو پر بنسټ به دغې شخړه ته د سیمه ییزو لارو چارو او اړوندو قانوني مراجعو په مرسته دحل لارې چارې پیدا کوي.