د هرات والي سره د سرحدونو، قومونو او قبایلو چارو وزارت د پلاوي کتنه
د مولوي محمد اسماعیل غزنوي،مولوي نیاز محمد تقي او ور سره مل پلاوي د شنبې په ورځ (۷/۱۷/۱۴۴۳) له غرمې مخکې د هرات له والي شیخ مولوي نوراحمد (اسلام جار) سره وکتل.
په پیل کې د سرحدونو، قومونو او قبايلو چارو وزارت د پلاوي رئیس مولوي محمد اسماعیل غزنوي دې ولایت ته د خپل سفر په اړه د معلوماتو د ورکولو ترڅنګ یې وړاندیز وکړ چې د هېواد د سرحدي نقطو څخه د څارنې او پلټنې په موخه دې د امنیتي ځواکونو ترمنځ لا همغږي زیاته شي.
د هرات والي شیخ مولوي نور احمد (اسلام جار) د سرحدونو او قبایلو چارو وزارت تللي پلاوي ته ښه راغلاست ووايه او د هېواد په سرحدي ولسوالیو کې یې د مېشتو قومونو په اړه خبرې وکړې او سرحدي پولو ته څېرمه د مېشتو قومونو د پوښتنې په خاطر او د هېواد د سرحدونو د ارزونې لپاره د دغه وزارت د پلاوي د لېږلو ستاینه وکړه او د پولو د څارنې او ارزونې په موخه یې د امنیتي ځواکونو د همغږۍ پوره ډاډ ورکړ.
دغهراز، د سرحدونو او قبایلو چارو د داخلي پلټنې رئیس مولوي نیاز محمد تقي د هرات ولایت د سرحدونو، قومونو او قبايلو چارو او د کوچیانو ریاستونو څخه هم لېدنه وکړه او د ادارې له کار کوونکو څخه یې وغوښتل څو هېوادوالو ته ښه اسانتیاوې برابرې کړي، له هغوی سره همکاري وکړي.دغهراز د بیتالمال د ساتنې په موخه یې هم لازمې لارښوونې وکړې.
د هرات د سرحدونو، قومونو او قبايلو چارو رئیس مولوي جمالالدین (عمري ) ژمنه وکړه چې د دغه ریاست د ټولو کارکوونکو په ګډون به تل د هېوادوالو په خدمت کې وي. او په ورسپال شویو چارو او د بیتالمال په ساتنه کې يې د پوره اخلاص او شفافیت ډاډ ورکړ.
