د زابل د سرحدونو قومونو او قبایلو چارو رياست کي د افغانستان د شتمنيو اړوند د امریکا د ظالمانه پريکړې په اړه د قومي مشرانو او علماء کرامو غونډه تر سره شوه
د سرحدونو قومونو او قبايلو چارو په ریاست کې نن په داسې حال کې تر سره شوه چې پر مهال يې د دې ریاست رئیس مولوي محمد کریم سحر د زابل ولايت امنیه قومندان ملا محب الله ایوب اخندزاده رئیس دفتر ملا احمد مختار،د پوهنې رئیس مولوي محمد عثمان حریت داطلاعاتو او فرهنګ سرپرست شریف الله ویاړ او ددې ولايت جيد علماء کرامو، قومي مشرانو او په سلګونو عامو خلګو حضور درلود.
په پیل کې د سرحدونو او قبائلو چارو رئیس مولوي محمد کریم سحر د ښه راغلاست ترڅنګ وویل زموږ شتمني زموږ حق دی هيچا ته اجازه نه ورکوو چي زموږ حق تلف کړي، موږ دا حق لرو چي د خپل حق غوښتنه وکړو.
افغانان اوس د تاريخ تر سختو شرايطو راتيريږي، د امريکا تر نظامي ماتي وروسته دا اخلاقي ماتي ددوئ ټيټ ظرفيت ښيي.
د غونډې په ترڅ کې قومي مشر حاجي محمد جمعه وویل چې دا پیسې د افغانستان د کونډو، یتیمانو او د افغانستان د مظلوم ولس دي، نوموړي د امریکا له حکومت څخه وغوښتل چې د افغانستان کنګل شوې پیسې پر خپلو خلکو ونه وېشي، ځکه دا د افغانانو په حق کې ښکاره ظلم دی او باید افغانانو ته يې تسلیم کړي.
دا په داسي حال کي ده چې پر افغانستان د طالبانو له واکمن کېدو سره امریکا د افغانستان د مرکزي بانک نږدې نهه میلیارده ډالر کنګل او وروسته یې اعلان وکړ چې د یادو پیسو څخه څه اندازه به د سپټمبر د ۱۱ مې پيښې پر قربانيانو ویشي.
