د لغمان مشرانو او قومونو سره د سرحدونو او قبایلو چارو سرپرست ناسته
د افغانستان د اسلامي امارت د سرحدونو قومونو او قبایلو چارو سرپرست وزیر مولوي نورالله نوري د مهترلام ښار اړوند په سلطان غازي بابا ښارګوټي کې د لغمان ټولو میشتو قومونو او مشرانو سره وکتل.
په دې کتنه کې د سرحدونو او قومونو او قبایلو چارو سرپرست وزیر د لغمان مشرانو او قومونو ستونزي له نږدې واورېدلې او ژمنه یې وکړه چې د هغوی ستونزو ته به رسېدنه وکړي.
په دې ناسته کې ښاغلي نوري د لغمان ولايت د امنيه قومندان مولوي فيصل، د لوا مسوول، ښاروال، مستوفي صاحب او داسې نورو ځايي مسولينو سره بېل بېل ملاقاتونه تر سره کړل.
ښاغلي نوري وویل: "څرنګه چې ددغه وزارت له نوم څخه جوتيږي چې په هېواد کې پراته قومونه زموږ وياړلي ولس دی او د هغوی ښې راتلونکې لپاره به هلې ځلې کوو."
د سرحدونو، قومونو او قبایلو چارو سرپرست وزیر وویل چې دوئ به تل هڅه کوي چي د ټولو قومونو ترمنځ به د شته شخړو او اختلافونو ته د جرګو او مرکو په مټ د پای ټکی ږدي.
