په خوست کې د قبايلو له عالي لېسې څخه لېدنه!
د سرحدونو او قبایلو چارو سرپرست محترم ملا نورالله نوري په داسې حال کې چې د وزارت د عامه اړيکو او ښوونې او روزنې مسؤل محترم شيخ حضرت ولي حقاني هم ورسره ملګری و، خوست ولايت ته د خپل رسمي سفر په ترڅ کې نن له غرمې وروسته د خوست د قبايلو له عالي لېسې څخه لېدنه وکړه!
په دې کتنه لومړی د دغې لېسې يو شمېر زده کوونکو ښاغلي نوري ته ښه راغلاست ووايه او د درسي کتابونو د کمښت په ګډون يې خپلې يو لړ ستونزې د حل په موخه شريکې کړې. ورپسې د سرحدونو او قبایلو چارو سرپرست محترم ملا نورالله نوري د زده کوونکو ستونزې پر ځای وبللې او زده کوونکو ته يې ډاډ ورکړ، چې ستونزې به يې هوارې کړي. ښاغلي نوري همداراز وویل: وزارت ژمن دی، چې د هېواد بچيانو ته د زده کړې مناسب چاپېريال برابر کړي، تر څو دوې وکولای شي په مناسب چاپيريال کې له اندېښنې پرته خپلو زده کړو ته دوام ورکړي.
