د مورنۍ ژبې نړیوالې ورځ په مناسبت د سرحدونو او قبایلو چارو وزارت پيغام!
د سرحدونو او قبایلو چارو وزارت تر هر څه نه مخکې د مورنۍ ژبې نړیوالی ورځې له امله ټولو درنو هېوادوالو ته مبارکي وايي.
دغه ورځ، چې هرکال د فبرورۍ په یوويشتمه نېټه لمانځل کېږي، له همدې ورځې نه په استفادې سره له لیکوالانو او ژباړونکو څخه دا هیله کوو، چې د خپلو مورنیو ژبو د علمي بډاینې لپاره لیکنې او علمي آثار وژباړي، ځکه د همدې ورځې د لمانځنې موخه دا ده، چې موږ فرهنګي او ژبنۍ تنوع ته د قدر په سترګه وګورو او درنښت یې وکړو،.
وزارت دغه راز پر مخالفينو غږ کوي، چې نور دې جګړه او روانه افغان وژنه ودروي اوربند ته دې غاړه کېږدي تر څو زموږ د هېواد ماشومان او ځوان نسل په خپلې مورنۍ ژبې زده کړې وکړي او په راتلونکي کې د خپلو مورنیو ژبو د علمي بډاینې او دغه راز د هېواد د روښانه راتلونکي لپاره عملي کار وکړي.
محب الله صمیم
د سرحدونو او قبایلو چارو وزیر
