خوست کې د سرحدونو او قبایلو چارو ریاست له نویو ودانیو څخه لیدنه!
د سرحدونو او قبایلو چارو وزیر ښاغلي محب الله صمیم او ورسره مل پلاوي خوست ولایت کې د سرحدونو او قبایلو چارو ریاست اړوند نویو ودانیو څخه لیدنه وکړه.
خوست ولایت کې د سرحدونو او قبایلو چارو ریاست اړوند د قبایلو لیسې او لیلې ودانۍ تېر کال ګټې اخیستنې ته سپارل شوي. او په دې ریاست کې د شا او خوا ۱۹ مېلیونو افغانیو په لګښت د جرګو د نوي تالار د رغېدو چارې د بشپړېدو په حال کې دي.
یاد تالار په دوو پوړونو کې په پاخه او اساسي توګه جوړیږي چې په یو وخت کې به د سلګونو کسانو د راټولېدو ځای ولري.
د سرحدونو او قبایلو چارو وزیر ښاغلي محب الله صمیم اړوندو مسوولینو ته لارښوونه وکړه، چې د تالار رغنیزې چارې له نږدې وڅاري، او هم د نویو ودانیو ساتلو ته زیاته پاملرنه وکړي.
