ځاځي میدان ولسوالي کې له خلکو سره د شریعت د نفاذ او همغږۍ غونډه
پنجشنبه ۱۵ صفر المظفر۱۴۴۸
د خوست ولايت په ځاځي ميدان ولسوالي کې د اسلامي امارت د مسؤلينو او ولسونو ترمنځ د شریعت د احکامو د نفاذ، د ولسي همغږۍ پیاوړتیا او ګډ تفاهم د رامنځته کولو په موخه د يادې ولسوالي له ولسونو، قومي مشرانو، علماوو او ځوانانو سره پراخه ولسي غونډه ترسره شوه.
غوندې ته مسؤلينو د اسلامي نظام د پیاوړتیا، د ولس او حکومت ترمنځ د همکارۍ او شرعي احکامو د عملي کولو پر اهمیت خبرې وکړې. ويې ويل: د شریعت نفاذ، د اسلامي نظام د مسؤلينو او ولسونو شريک مسؤليت دی او په دې برخه کې بايد له يو بل سره د هکارۍ لاسونه ورکړل شي. دوی همدارنګه له خلکو وغوښتل، چې د ولسي يووالي او همغږۍ په برخه کې خپلو هڅو ته دوام ورکړي.
د يادې جوړې شوې غونډې پرمهال قومي مشرانو په خپلو ویناوو کې د اسلامي نظام ملاتړ څرګند کړ او د ولسونو د یووالي او همغږۍ پر ارزښت یې ټینګار وکړ. دوی همداراز د شریعي احکامو د پلي کولو په برخه کې د بشپړې همکارۍ ډاډ څرګند کړ. قومي مشرانو په هېواد کې موجوده امنیت او ثبات د اسلامي امارت لويه لاسته راوړنه وبلل او زياته يې کړه، چې په هېڅ صورت به چاته اجازه ورنکړي، چې پر وړاندې يې خنډونه ايجاد کړي
