په کندهار ولایت کې د مېشت کوچي قوم له دیني عالمانو، مخورو ، ځوانانو او قومي مشرانو سره ناسته تر سره شوه!
نېټه : ۱۴۰۱-۱-۹ هـ ل / ۱۴۴۳-۸-۲۶ هـ ق یاده ناسته چې د کندهار ولایت د سرحدونو،قومونو او قبایلو چارو ریاست په انګړ کې تر سره شوه ، د یاد ریاست د مرستیال مولوي صاحب ندا محمد په ګډون د کوچي قومي مشرانو او علماوو هم ګډون درلود، په سرکې مولوي صاحب ندا محمد راغلو مشرانو ته ښه راغلاست ووایه ، ورپسې قومي مشرانو خپلې غوښتنې ، ستونزې او وړاندیزونه له ښاغلي مرستیال سره کړل، چې د مولوي صاحب ندا محمد لخوا ورته د همکارۍ او لازمو کړنو ډاډ ورکړل شو.
