په کابل کې د پیاوړې سیاستوالې ارواښادې بېګم نسیم ولي خان د فاتحې مراسم پرځای شول!
د فاتحې یاد مراسم د سرحدونو او قبایلو چارو وزارت لخواد ۱۴۰۰ لمریزکال د غویی پر۳۰ مه کابل کې پرځای شول . په دې مراسموکې د سرحدونو او قبایلو چارو وزیر ښاغلي محب الله صمیم، معینانو، سلاکارانو، کارکووونکو، دیني عالمانو، د ملي شورا يو شمېرغړو، قومي، سیاسي، ملي او فرهنګي شخصیتونو، مدني فعالانو، ځوانانو او خوېندوګډون کړی و.
ګډونوالو د قرآن پاک د مبارکوایتونو په تلاوت سره د لوی الله ج له دربارڅخه ارواښادې بېګم نسیم ولي خان ته د بخښنې اومغفرت دعا ، کورنۍ ،خپلوانو او دعوامي نشنل ګوند مشرتابه اوغړیوته یې د جمیل صبرغوښتنه او دغه رازیې په هېواد کې د تلپاتې سولې د ټینګښت هیله هم وکړه. یاده دې وي چې ارواښادې میرمن نسیم ولي خان په 1936م د جنورۍ پر۲۴ دنیا ته سترګې غړولې وې کورنۍ یې له باچاخان سره په مبارزه کې شامله وه اوهغې ارواښادې هم په ۱۹۷۷ کې سیاست ته مخه کړې وه.
لومړنۍ ښځه وه، چې له خیبرپښتونخوا څخه په ۱۹۷۷م کې دغیرګوندې ټاکنوله لارې پارلمان ته بریالۍ شوه اوڅه موده یې دعوامي نیشنل ګوند د پښتونخوا مشري هم پرغاړه درلوده.
بالاخره يې د ورپېښې ناروغۍ له آمله د ۲۰۲۱ م کال د مۍ پر۱۶ د ۸۵ کلونوپه عمرله فاني نړۍ سره مخه ښه وکړه. او د چارسدې په ولي باغ کې خاوروته وسپارل شوه.
اروا یې ښاده
