په پکتیا ولایت کې د همغږي یوه ستره ولسي غونډه جوړه شوه
۲۰/۶/۱۴۴۵
د سرحدونو، قومونو او قبایلو چارو وزارت له لوري د پکتیا ولایت په مرکز ګردیز کې له قومي مشرانو، دیني عالمانو او د ولایتي ادارو له مسؤلینو سره یوه ستره ولسي غونډه جوړه شوه.
په دغه غونډه کې د ولسونو په استازولي له مرکز او ولسوالیو څخه راغلیو قومي مشرانو خبرې وکړې ویې ویل: هیچا ته اجازه نه ورکوو، چې بیا دلته پردي فکرونه راوړي او د نظام پر وړاندې خلک وهڅوي. دوی له حکومت څخه ساتنه خپله وجیبه وبلله او د اسلامي امارت له مسؤلنیو څخه یې د غربي تبلیغاتو د مخنیوي غوښتنه وکړه.
ورپسې د وزارت د جرګو او قبایلي چارو د همغږۍ رئیس شیخ حضرت ولي حقاني د ولسونو همکاري او د اشغال پر وړاندې مبارزه د اشغالګرو د ماتي لامل یاد کړ او خپلواکي یې یو لوی نعمت یاد کړ.
په پای کې د جرګو او قبایلي چارو د همغږۍ معین الحاج ملا عبدالخالق عابد اخند د تېرې نا امنۍ یادونه وکړه، آزادي یې د الله ج یو ستر نعمت وباله او ویې ویل: په اسلامي نظام کې د انسانانو څه چې د حیواناتو حقوق هم محفوظ وي او دا پر افغان ولس د الله تعالی (ج) یوه لویه لورینه ده.
