په پلازمېنه کابل کې له سلګونه دیني عالمانو او قومي مخورو سره ولسي غونډه تر سره شوه

khoram_admin
چهارشنبه ۱۴۰۳/۱۱/۱۰ - ۸:۴۲
ولسي غونډه

 

سه شنبه ۱۴۴۶/۷/۲۷
په پلازمېنه کابل کې د سرحدونو، قومونو او قبایلو چارو وزارت له لوري د اسلامي نظام ثبات، د ولسونو د یووالي او انسجام ولسي غونډه په داسې حال کې تر سره شوه چې پر مهال یې د یاد وزارت وزير الحاج ملا نور الله نوري، د جرګو او قبایلو چارو د همغږۍ مرستیال الحاج مولوي محمد علي جان احمد، د بېلابېلو رياستونو رئيسانو، د کابل والي ملا امين الله عبيد، د رسنيو استازو او د اسلامي امارت مشرانو ګډون درلود.

په غونډه کې د جرګو او قبایلي چارو د همغږۍ مرستیال مولوي محمد علي جان احمد ګډونوالو ته وویل: نن د کفر او استبداد وريځې ټولې شوې، له مشرق نه تر مغربه ټول افغانان د يووالي په ټغر سره ناست دي. ښاغلي احمد د تېر شل کلن جهاد په دوران کې د افغانانو قربانۍ وستایلې او دا نظام یې د خلکو نظام یاد کړ. نوموړي د کابل له ولسونو وغوښتل، چې خپلې ستونزې ورسره شريکې کړي ترڅو د حل لپاره يې اړونده مسؤلينو ته ورسوي.

همداراز غونډه کې د کابل ولايت د بېلابېلو ولسواليو او ناحيو قومي مخورو په خپلو خبرو کې د اسلامي امارت په راتګ خوښي وښوده او له اسلامي امارت څخه یې مننه وکړه چې له توپير پرته د قومونو ترمنځ د يووالي او هوسا ژوند برابرولو هڅې کوي. يادو قومي مشرانو د اسلامي امارت له مسؤلينو سره د خپلو ستونزو د شريکولو ترڅنګ پر هغوی غږ وکړ، چې د ولسونو مشکلاتو ته دې د حل لارې چارې ولټوي. دوی په تېره شل کلنه دوره کې د خپلو قربانيو په څرګندولو سره ډاډ ورکړ، چې که اړتيا شوه بيا هم د دې نظام د بقا لپاره هرې قربانۍ ته تيار دي خو د دوی لومړنۍ ستونزې، چې پکې د ښوونځيو، مدارسو، سړکونو، روغتونونو، د څښاک پاکو ابو او کاري فرصتونو برابرول دي کار وشي.

د غونډې په پای کې د سر حدونو، قومونو او قبايلو چارو وزير الحاج ملا نور الله نوري ګډونوالو ته په خپلو خبرو کې افغانان د دين له برکته زړور، باتور، باشهامته او د قوي ايمان درلودونکي خلک ياد کړل. هغه د اسلامي امارت ازداي د دې ولسونو د ايماندارۍ، قربانيو او لوړ همت ثمره وبلله ويې ويل: د افغانستان د فتحې اساس د افغانستان ولسونه دي او په تېرو قربانيو، جهاد او فتحه کې ټول افغانان شامل دي. نوموړي خلکو ته ورياده کړه د غيرت، زړورتيا او شهامت په کيسو مو نور خلک کتابونه ليکي نو خپل دښمن په پوره معنا وپيژنئ ويښ و اوسئ خپل دين، عقيده او فکر مو سالم وساتئ. ښاغلي نوري د خپلو خبرو په پای کې وويل:  شعار مو اسلامي سیاست دی او د اسلامي شریعت په رڼا کې مخ ته ځو، له کفري هیوادونو سره د اسلامي اصولو پر بناء سلوک کوو او له ټولو هیوادونو سره مو هره راکړه ورکړه د اسلامي شریعت په اساس ده.

تازه خبرونه

پنجشنبه ۱۴۰۴/۸/۸ - ۸:۵۸
Background image

ننګرهار کې دوه جلاجلا شخړې حل شوې

 

چهار شنبه ۷ جمادي الاولی ۱۴۴۷

د دغه ولايت د سرحدونو، قومونو او قبايلو چارو رياست مسؤلينو د قومي مشرانو او ديني عالمانو په همکاري د ياد ولايت په بهسود ولسوالي کې د دوو کورنيو ترمنځ. . .

چهارشنبه ۱۴۰۴/۸/۷ - ۱۱:۵۰
Background image

هیئت‌های بلندپایه افغانستان و ایران در کابل نشستی را در مورد نوسازی علایم مرزی میان دو کشور برگزار کردند.

 

چهارشنبه، ٧ جمادی‌الاول ۱۴۴۷

ملا نورالله نوری، وزیر سرحدات، اقوام و قبایل و رئیس کمیسیون مرزی افغانستان، همراه با هیئتی، با کاظم غریب‌آبادی، معاون حقوقی و بین‌المللی وزارت امور. . .

چهارشنبه ۱۴۰۴/۸/۷ - ۱۱:۴۳
Background image

د افغانستان او ایران لوړ رتبه پلاوي په کابل کې د یادو هېوادونو تر منځ د سرحدي نښو د نوي کولو په اړه ناسته ترسره کړه

 

سه شنبه ۶ جمادى‌الاولى ۱۴۴۷

د سرحدونو، قومونو او قبایلو چارو وزیر او د سرحدي کمېسیون مشر ملا نور الله نوري د یوه پلاوي په ملتیا د ایران هیواد د بهرنیو چارو د حقوقي او نړیوالو چارو. . .

BACK TO NEWS

User account menu