په ولسي جرګه کې د خلکو له استازو او قومي مشرانو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن دوشنبې د ۱۳۹۹ لمریز کال د تلې میاشتې پر ۷ مه نېټه په ولسي جرګه کې د ننګرهار او کنړ ولایتونو د خلکو له استازو ښاغلي نعمت الله کریاب او آغلې بي بي حاجي لیلما ولي احمدي، او په ولسي جرګه کې د کوچیانو استازو آغلې حمیدې احمدزۍ، مریم سلیمان خېل او له بېلابېلو قومي مشرانو سره د خپل کار په دفتر کې وکتل.
په دې کتنه کې، چې د وزارت مالي او اداري معین ښاغلی شجاع الملک جلاله خان هم حاضر و، په ملي یووالي، د سولې په ټینګښت، د ملي پروژو په پلي کولو او په یو لړ نورو سیمه ییزو موضوعګانو بحث او خبرې وشوې او په دې برخو کې په ګډو هلو ځلو ټینګار وشو.
د یو بل خبر له مخې د سرحدونو او قبایلو چارو سرپرست او نوماند وزیر ښاغلي محب الله صمیم د وزارت د اړوند پېرمحمد کاکړ لېسې له استادانو او د ښوونې او روزنې له رئیس سره وکتل او د چارو د بهبود په اړه یې لازمې لارښوونې وکړې.
