په هرات ولایت کې له قومي مشرانو سره ناسته وشوه

mobta-af
دوشنبه ۱۴۰۲/۱۲/۲۹ - ۱۴:۳۲
Mobta

یکشنبه /۲۶/ شعبان المعظم/ ۱۴۴۴

د سرحدونو، قومونو او قبایلو چارو وزارت له لورې د هرات ولایت د ولسوالیو له استازو او قومي مشرانو سره د قومونو او ولسونو د همغږۍ او اتحاد ناسته ترسره شوه. 

په دغه ناسته کې د یاد وزارت د مسلکي چارو معین مولوي عبدالرحمن حقاني، مل پلاوي، د یاد ولایت د ملکي ادارو رئیسانو، د کوچیانو شورا رئیس، قومي مشرانو او علماء کرامو ګډون کړی وو.

په پیل کې د قومونو په استازولي څو تنو خبرې وکړې او د یاد وزارت د جرګو او همغږۍ د غونډو له جوړولو څخه یې قدردانی وکړه او داسي غونډې یې د حکومت او ولس تر منځ د واټن په کمولو کې ډيرې ګټورې وبللې او د قومونو تر منځ په یووالي، اتفاق او یو بل منلو یې ټینګار وکړ. دوی ټولو د ا.ا.ا ملاتړ او حمایت خپله دنده وبلله.

Mobta

د ناستې په پای کې د یاد وزارت د مسلکي چارو معین شیخ عبدالرحمن حقاني ټولو راغلیو قومونو ته هرکلی وکړ، د حکومت او خلکو په مرسته د هیواد د پولو ساتنه، د قومونو د شخړو حل کول او د قومونو ترمنځ همغږۍ او یووالی راوستل یې د دې وزارت دندې یادې کړې او زیاته یې کړه: د لوی خدای (ج) په مرسته او د ولس د قربانیو په برکت مو د نړۍ زبرځواک مات کړ، کفارو غوښتل زموږ یووالی له منځه یوسي او دلته خپل شوم اهداف عملي کړي، خو زه دا ډاډ درکوم که چیرته موږ متحد شو د نړۍ هیڅ زبر ځواک به دلته د حملې لپاره زړه ونه کړي او زموږ د هیواد خاوره به د هیڅ چا په وړاندې و نه کاریږي.

غونډه د هیواد او ولس د اتحاد او ورورولۍ په دوعا سره پای ته ورسېده.

تازه خبرونه

پنجشنبه ۱۴۰۳/۱/۹ - ۱۳:۳۹
Background image

په جوزجان ولایت کې د دوو قومونو ترمنځ د ځمکو پر سر د اختلافاتو حل

۱۸/۹/۱۴۴۵ هـ ق 

د جوزجان ولایت د دشت لیلې په ترکمن قدوق سیمه کې د اسحاق زي او نورزي قومونو ترمنځ د څړځایونو پر سر له څه مودې را پېښ شوي اختلافات د یاد ولایت د سرحدونو، قومونو او قبایلو. . .

چهارشنبه ۱۴۰۳/۱/۸ - ۱۱:۲۵
Background image

د کوچیانو لوی ریاست د خپلو ترسره شویو کارونو ارزونه وکړه

 

۱۶/۹/۱۴۴۵ هـ ق

د سرحدونو، قومونو او قبایلو چارو وزارت اړوند د کوچیانو چارو د سمون لوی رئیس الحاج مولوي ګل زرین کوچي د یوې ناستې په ترڅ کې د ۱۴۰۲ ه ل کال په اوږدو کې د یاد ریاست له. . .

سه‌شنبه ۱۴۰۳/۱/۷ - ۱۳:۵۸
Background image

په هرات کې یوه ۵۰ کلنه شخړه حل شوه

۱۵/۹/۱۴۴۵ هـ ق

د هرات ولایت په کشک رباط سنګي ولسوالۍ کې د طاهري، اڅکزیو او ملکي قومونو تر منځ د څړځایونو پر سر ۵۰ کلنه روانه شخړه د یاد ولایت د سرحدونو، قومونو او قبایلو چارو رئیس. . .

BACK TO NEWS