په نورستان ولایت کې د قومونو تر منځ ستر ولسي غونډه تر سره شوه

khoram2_admin
پنجشنبه ۱۴۰۳/۸/۱۷ - ۱۴:۱۱
غونډه

پنچشنبه، ۱۴۴۶/۵/۳

د سرحدونو، قومونو او قبایلو چارو وزارت د جرګو او قبایلو چارو د همغږۍ معینت لخوا د مشرقي زون د درېیو ولایتونو سربیره نن د نورستان ولایت مرکز پارون ښار کې د قومونو ترمنځ د اسلامي نظام ثبات، د ولسونو د یووالي غونډه په داسې حال کې تر سره شوه چې پر مهال یې د یاد وزارت د جرګو او قبایلو چارو د همغږۍ مرستیال الحاج مولوي محمد علي جان احمد، مل پلاوي او د دغه ولایت مرستیال والي مولوي فیصل مختار او له مختلفو ولسوالیو څخه راغلو سلګونو ديني عالمانو او قومي مشرانو ګډون کړی وو.

په غونډه کې د جرګو او قبایلي چارو د همغږۍ مرستیال الحاج مولوي محمد علي جان احمد په خپلو خبرو کې د اسلامي نظام په پیاوړتیا کې د ولسي خلکو رول مهم وباله ویې ویل: مونږ به د دې ولس په همکاري خپل هېواد او اسلامي نظام د ټولې نړۍ سره سیال کړو. نوموړي زیاته کړه چې د اسلامي نظام ټول مسؤلین د همدې ولس بچیان دي، همدغه ولس په تیر جهاد کې له مجاهدينو سره هر ډول همکارئ وکړې تر څو بريا ته وريدل اوس دې هم د اسلامي نظام د بقاء په برخه کې له اسلامپ امارت سره په ګډه کار وکړي تر څو د هېواد راتلونکی لا روښانه شي.

ورپسې یو شمېر ديني عالمانو او ولسي خلکو په خپلو خبرو کې د افغان ولس په اسلامي جذبه او همت خبرې وکړې. دوی زیاته کړه چې دغه میړني ولس په هر وخت کې د خپل دین، حقونو او عزت لپاره مبارزه کړې ده. نوموړو همداراز د خپلو خبرو په اوږدو کې په خپلو سیمو کې د څښاک د پاکو اوبو نشتون، لارو، سړکونو او روغتیایي مرکزونو د جوړولو په برخه کې یو لړ ستونزې شریکې کړې او د یادو ستونزو په حل کې یې د جدي پاملرنې غوښتنه وکړه.

ورپسې د جرګو رئیس ښاغلي شیخ نیک محمد افغاني او د اطلاعاتو او عامه رئیس مفتي تسلیم الله حقاني په نورستان ولایت کې د قومونو ترمنځ د ملي اتحاد په ټینګښت او د خپلمنځي اختلافاتو په له منځه وړلو کې د قومي مشرانو هڅې وستایلې، ښاغلي افغاني د نورستان د ټول ولس ستونزو ته رسیدنه د اسلامي امارت له لومړیتوبونو څخه یاد کړه.

تازه خبرونه

دوشنبه ۱۴۰۴/۱۲/۲۷ - ۱۲:۴
Background image

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت د ١٤٠٤ ښوونیز کال کانکور د ازموینو پایلې

د کانکور پایلې

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت د ١٤٠٤ ښوونیز کال کانکور د ازموینو پایلې

شنبه ۱۴۰۴/۱۲/۲۵ - ۱۹:۳
Background image

د بایزید روښان کثیرالرشتوي انستیتیوت کانکور ازموینه واخیستل شوه

د بایزید روښان کثیرالرشتوي انستیتیوت کانکور ازموینه واخیستل شوه

 

شنبه ۱۴۴۶/رمضان المبارک/۱۵

 

د سرحدونو، قومونو او قبایلو چارو وزارت اړوند بایزید روښان کثیرالرشتوي انستیتیوت ته د. . .

پنجشنبه ۱۴۰۳/۱۲/۲۳ - ۱۲:۲۴
Background image

د علیزي قوم دوه خېلونه له ۱۵ کلنې بدي وروسته سره پخلا شول

پنجشنبه ۱۴۴۶/رمضان المبارک/۱۳

د هرات ولایت د سرحدونو، قومونو او قبایلو چارو رئیس مولوي جمال الدین عمري او مل هیئت، د سیمه ییزو قومي مشرانو، دیني عالمانو او ځایي مسؤلینو په ګډو هڅو او. . .

BACK TO NEWS