په ننگرهار، باميان او کاپيسا ولايتونو کې د يو شمېر کورنيو ترمنځ پېښي شوې شخړې حل او په دوستۍ بدلې شوې
په ننګرهار ولايت کې د سرحدونو، قومونو او قبایلو چارو وزارت د جرگو او قبايلو چارو د همغږۍ د معين مولوي محمد علي جان احمد، په کاپيسا او باميان ولايتونو کې د وزارت د دويمو واحدونو د با صلاحيته مسؤلينو په ګډو هڅو د يو شمير کورنيو تر منځ له کلنو څخه پاتې شخړې چې تاريخي قدامت يې تر شلو کلنو لوړ وو او له طرفيو پکې څلور تنو ته مرگ ژوبله اوښتې وه حل او په دوستۍ بدلې شوې.
په همدې مناسب په درې مختلفو ناستو کې چې د يادو ولايتونو لسګونه ديني عالمانو او قومي مخورو ګډون کړی وو د سرحدونو، قونومو او قبايلو چارو وزارت مسؤلينو خبرې وکړې ويې ويل زموږ دښمنانان په تيرو څو کلونو کې د افغان واحد ملت د بېلولو او وېشلو هڅې وکړې خو د اسلامي امارت بريا د دښمن ټول شوم پلانونه شنډ کړل او موږ يو ځل بيا د يوه متحد ملت په توګه د امن ژوند پيل کړ نو راځئ چې دا اتحاد او امنيت چې د لکونو ځوانانو د وينو په بيه راغلی وساتو، په خپلو منځونو کې يو بل ته ستونزې جوړې نکړو او د اسلامي اصولو په رڼا کې خپل ژوند ته ادامه ورکړو.
له اوږدو خبرو وروسته د ياد وزارت مسؤلين او نور ځايي قومي مشران په دې وتونېدل چې پېښې شوې درې بېلا بيلې شخړې حل او ښکېلې غاړې اتحاد او ورورګلوي ته را وبولي.
