په ننګرهار ولایت کې د دوو قومونو تر منځ شخړه حل شوه
۶/۲/۱۴۴۴
د ننګرهار ولایت د خوګیاڼو او شیرزاد ولسوالیو د دوو قومونو تر منځ د اوبو پر سر شخړه د یاد ولایت له لوري د ټاکل شوې کمېتې او د سرحدونو، قومونو او قبایلو چارو ریاست په همغږۍ حل شوه. د دغې شخړې د حل پر مهال د یاد ولایت د سرحدونو، قومونو او قبایلو چارو رئیس قاري رحمت الله غازي عمر، د یادو ولسوالیو ولسوالانو، د څو نورو ادارو مسؤلینو او د دواړو لوریو څخه قومي سپین ږیرو ګډون درلود. د غونډې په اوږدو کې د قومونو تر منځ پر یووالي، یو له بل سره په ښو اړیکو او د اسلامي ټولنې د ارزښتونو په اړه مسؤلینو او قومي مشرانو په نوبت سره مفصلې خبرې وکړې او دواړه ښکېل لوري یې یو له بل سره سوله کولو ته راوبلل. په پای کې ټاکل شوي پلاوي د یادې موضوع تر هراړخیزې مطالعې وروسته د دواړو لورویو تر منځ نیول شوې پرېکړه اعلان کړه او طرفین یې د منولو لپاره راضي شول، غونډه د یووالي او اتفاق په دوعا سره پای ته ورسېده.
