په غور ولایت کې د دوو قومونو ترمنځ شخړه حل شوه.
د غور ولایت په فیروزکوه ولسوالۍ کې د دوو قومونو تر منځ د ترافیکي پېښي له امله شخړه چې څو کاله مخکې پېښه شوې وه په سوله بدله شوه، په یاده پېښه کې چې د یوې کورنۍ یو کس پکې په قتل رسېدلی و، د غور ولایت د سرحدونو، قومونو او قبایلو چارو امریت او قومي مشرانو په منځګریتوب حل شوه او دواړه لوري روغې جوړې ته راوبلل شول.
د ناستې په جریان کې د شخړې کوونکو له دواړو لوریو څخه اختیار واخستل شو او د دوی تر منځ نیول شوې پرېکړه ګډونوالو ته واورول شوه، چې دواړو لورو یې په منلو قناعت وکړ. دوی د مننې په کولو سره وویل: چې یاد امریت او سپین ږیرو پر موږ دواړو طرفینو یو لوی احسان وکړ چې زموږ تر منځ یې دا منازعه حل کړه.
د غور ولایت د سرحدونو، قومونو او قبایلو چارو امریت د دې ډول ستونزو او شخړو هوارول خپل مسؤلیت وباله.
