په خوشحال خان عالي لېسه کې د کانکور د چمتوالي ازموینه
دوشنبه/۱۶/ذوالقعدة الحرام/۱۴۴۴
د سرحدونو، قومونو او قبایلو چارو وزارت د ښوونې او روزنې ریاست اړوند په خوشحال خان عالي لېسه کې د زده کوونکو د بلدتیا او چمتوالي په موخه ازمایشې کانکور ازموینه واخیستل شوه. یاده ازموینه په داسي حال کې واخیستل شوه چې همدغو زده کوونکو ته له څه مودې را په دې خوا د کانکور د چمتوالي پروګرامونه د یاد وزارت اړوند د مسلکي معینیت په هدایت پیل شوي وو. دغه پروګرامونه د زده کوونکو د علمي سویې لوړولو او د کانکور له ازموینې سره د بلدتیا په موخه جوړ شوي وو. هیره دي نه وي چې د خوشخال خان عالي لېسه د سرحدي، لرو پرتو ولسوالیو او قبایلي زده کوونکو ته د زده کړو زمینه برابروي او د هغوی علمي ظرفیت لوړونې په برخه کې کار کوي. د یادې لېسې د زده کوونکو له ډلې څخه زیات شمېر یې هر کال د هیواد معتبرو پوهنتونو ته د لوړو زده کړو لپاره بریالي کیږي.
