په باميان ولايت کې د شخړې حل
پنجشنبه ۴ رجب المرجب ۱۴۴۷
د باميان ولايت د سرحدونو، قومونو او قبايلو چارو رياست مسؤلينو د منځګړيتوب په پايله کې د دغه ولايت په يکه ولنګ ولسوالي کې د دوو کورنيو ترمنځ هغه راپورته شوې شخړه هواره شوه، چې دواړه طرفونه يې په سختو ستونزو کې اخته کړي وو.
په دغه شخړه کې، چې له يوه لوري يوکس وژل شوی و او لويې بد بينۍ يې رامنځته کړې وې د مسؤلينو له خوا په سوله او ورورولي بدله شوه.
ښکېلو طرفونو د اسلامي امارت د مشرانو له منځګړيتوب مننه وکړه، چې په وينا يې د دوی دښمني يې په دوستي وربدله کړه . دوي همداراز ژمنه وکړه، چې په راتلونکي کې به هېڅ ډول شخړو ته زړه ښه نه کړي
