ننګرهار کې د شاوخوا ۷ لسيزو په دوام اږدمهاله شخړه هواره
شوه سشنبه ٢٥ صفرالمظفر ۱۴۴۷ د د غه ولايت په پچير اګام ولسوالي کې د شاوخوا ۰ ۷ کلونو په دوام هغه اوږدمهاله شخړه حل او فصل شوه، چې دواړو لوريو ته يې د ګڼو مالي تاوانونو ترڅنګ لويه مرګ ژوبله هم تر شا پرېښې وه. د يادې خونړۍ شخړې په پايله کې د ښکېلو خواوو دولس تنه وژل شوي، څو تنه ټپيان شوي او لوی اقتصادي تاوانونه هم ورته رسېدلي وو، چې مسؤلينو يې ترمنځ د خير په فيصلې کولو سره هغوی پخلا او له عام تام بښنې وروسته يې يو بل ته د سولۍ غاړې ورکړې. د ننکرهار ولايت د سرحدونو، قومونو او قبايلو چارو رئيس حافظ رحمت الله غازي عمر د قومي سپين ږيرو، علماوو، متنفذينو او رسنيو د استازو په حضور کې دا شخړه د يوې جوړې شوې غونډې پرمهال هواره کړه، چې د ګډونوالو له تود هرکلي سره مخ شول.
