میدان وردګو ولایت له قومي مخورو سره کتنه!
سه شنبه ۷/۳/۱۴۴۶
د سرحدونو، قومونو او قبایلو چارو وزیر الحاج ملا نورالله نوري تېره ورځ د میدان وردګو ولایت له قومي مخورو سره د ځينو سیمه ییزو ستونزو د حل په موخه وکتل.
په دې کتنه کې راغلیو مشرانو د اسلامي امارت لاسته راوړنې وستایلې، خوښي یې څرګنده کړه، چې دوی ته الله تعالی ﷻ له څو لسیزو وروسته یو مستحکم نظام ورکړی چې له برکته یې د هیواد ټول قومونه د یووالي په ټغر ناست دی. دوی په خپله سیمه کې د ځينو ستونزو یادونه وکړه او د حل په برخه کې یې د مسؤلینو د پاملرنې او همکاري غوښتنه وکړه.
ښاغلي نوري قومي مخورو ته له هرکلي وروسته زیاته کړه چې قوم کوم امتیاز نه دی، بلکې د خلکو د معرفت یوه وسیله ده. نوموړي وویل: افغان قومونه یوه اسلامي بڼه لري او هرځل د اسلام او خپلې خاورې د دفاع په خاطر، په یوه غږ راټول شوي او د یرغلګرو پر وړاندې یې ځانونه سپر کړي. هغه راغلیو مشرانو ته ډاډ ورکړ چې ستونزو ته به یې حل لارې پیدا کوي.
