له کارکوونکو څخه د عقیدوي درسونو ازموینه واخسیتل شوه
۱۷/۴/۱۴۴۵
د اسلامي امارت له راتګ سره سم په ټولو ادارو کې د کارکوونکو د دیني او عقیدوي سویې لوړولو او په اسلامي اصولو د پوهاوي په موخه د دعوت او ارشاد ریاستونه تشکیل شول او په ټولو رسمي ادارو کې یې دیني او عقیدوي درسونه پیل کړل چې له جملې یې د یادو زده کړو د مؤثریت معلومولو لپاره د سرحدونو، قومونو او قبایلو چارو وزارت له ټولو مرکزي کارکوونکو څخه نن ورځ ازموینه واخیستل شوه.
د ازموینې پر مهال د ذکر شوي وزارت د دعوت او ارشاد رئیس مفتي شفیع الله ثاقب، د وزارت نورو رئیسانو، ګڼ شمېر مسؤلینو او کارمندانو ګډون کړی وو.
دغه ازموینه د نبوي سیرت و صورت او اسلامي عقیدې په برخه کې د کارکوونکو د لا پیاوړتیا په موخه ترسره شوه چې وروسته به یې پایلي اعلان او وړ کسان به په معنوي ډالیو وستایل شي.
