له ولایتونو سره د اړیکو نوي آمر په دنده پیل وکړ
پنجشنه/۱۴/شوال المکرم/۱۴۴۴
د سرحدونو، قومونو او قبایلو چارو وزارت له ولایتونو سره د اړیکو امریت نوي آمر مولوي عبدالوارث اخندزاده په دنده پیل وکړ. د معرفت غونډې په مراسمو کې د یاد وزارت د مالي او اداري چارو عمومي رئیس ملا محمد انور تائب، د اطلاعاتو او عامه اړیکو رئیس ملا حمدالله فطرت، د بشري سرچینو رئیس مولوي کریم شاه تیلوي، د سرحدي پلټنو رئیس مولوي نصیراحمد منصور، د تحقیق او مطالعاتو رئیس مولوي هدایت الله حقاني او د یاد امریت نورو کارکوونکو له لوري ورته مبارکي وویل شوه او تر څنګ یې په چارو کې ورته د بریالیتوب غوښتنه وکړه. د یادولو وړ ده چې مولوي عبدالوارث اخندزاده مخکې د یاد وزارت د ترانسپورت عمومي مدیر و. نوموړي د دې ټاکنې څخه کور ودانی وکړ چې دی یې د یاد مسؤلیت د ادا کولو لپاره وړ کس وباله او زیاته یې کړه: لکه مخکې چې مې خپله کارونه په سم ډول ترسره کړي په خپله نوې دنده کې به کوښښ کوم چې خپل مسؤلیت بیا هم په سمه توګه ترسره کړم.
