له مخورو شخصیتونو سره کتنې!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن سې شنبې د روان لمریز کال د سلواغې میاشتې پر ۲۹ مه نېټه د برید جنرال عبدالقادر عطایي، د اروزګان ولایت د ولایتي شورا له مشر ښاغلي امیر خان بارکزي او ورسره مل وکیل صاحبانو او مشرانو سره د خپل کار په دفتر کې وکتل.
په یادو کتنو کې سیمه ییزې ستونزې او حل لارې په ګوته شوې، راغلو مشرانو د سرحدونو او قبایلو چارو وزارت له مشرتابه څخه مننه وکړه، چې د ستونزو په حل کې له ولسونو سره مرسته او همکاري کوي او همدا راز یې ستونزې له اړوند ادارو سره د حل په موخه شریکوي.
ښاغلي بارکزي له یادو مشرانو سره په خبرو کې وویل: وزارت او د دغه وزارت کارکوونکي د خلکو په خدمت کې دي، له خلکو سره اړیکې تامینول او د دوی لپاره صادقانه کارکول خپله دنده بولي.
