له لغمان وروسته په ننګرهار کې د اسلامي نظام د ثبات، د ولسونو د يووالي او انسجام غونډه وشوه

khoram_admin
سه‌شنبه ۱۴۰۳/۸/۱۵ - ۸:۳۶
غونډه

 

دوشنبه  ۱۴۴۶/۵/۲

په دغه ولسي غونډه کې د سرحدونو، قومونو او قبايلو چارو وزارت د جرګو او قبايلي چارو د همغږۍ مرستيال الحاج مولوي محمد علي جان احمد، د جرګو اوقبايلي چارو د همغږۍ رئيس شيخ نيک محمد افغاني، مل پلاوي، د ننګرهار مرستيال والي مولوي عزيزالله مصطفی او د بيلابېلو ولسواليو قومي سپين ږيرو ګډون درلود.

په پيل کې د اطلاعاتو او عامه اړيکو رئيس ښاغلي حقاني وويل: هیله مو همدا ده، چې په هيواد کې ټول ميشت قومونه په اتحاد او اتفاق کې ژوند وکړو منسجم شو او په ګډه د هېواد د پرمختګ لپاره کار وکړو.

ورپسې قومي سپين ږيرو د خپلو خبرو پر مهال د ننګرهار ولسونه په اسلام او وطن مين خلک ياد کړل او ويې ويل: موږ په هر حالت له خپل هيواد دفاع کړې، د اسلامي نظام د حاکميت لپاره مو قربانۍ ورکړې او که اړتيا شوه بيا هم چمتو يو.ګ، قومې مشرانو خوښي څرګنده کړه، چې د حکومت چارې د علماوو په لاس کې دي ځکه په دې سره امن دی او ولسونه ډاډمن ژوند کوي، دوی له اسلامي امارته وغوښتل، چې په بيلابېلو برخو کې يې ستونزې ورحل کړي او ځوانانو ته د کاروبار زمينې برابرې کړي.

ورپسې د جرګو او قبايلي چارو د همغږۍ مرستيال الحاج مولوي محمد علي جان احمد ګډونوالو ته په وينا کې وويل: د ا.ا ټول مسؤلين د ولس خادمان دي او په هر حالت يې خدمت ته چمتو دي، نوموړي زياته کړه: د دې غونډې له لارې چې تاسو کومې ستونزې له موږ سره شريکې کړې ان شاء الله ډير ژر به رسېدنه ورته وشي هغه همدا رنکه ولسونو ته وويل: اطمینان درکوم چې د اوسني نظام ټولو مسؤلينو د هېواد بيارغونې ته مټې را بډوهلې، چې ډير ژر به يې د پرمختګ په لور بوځي او خپل ولس ته به د هوسا ژوند زمينه لا ښه برابره کړي.

همدا راز د جرګو اوقبايلي چارو د همغږۍ رئيس شيخ نيک محمد افغاني او د کوچيانو د اقتصادي خدمتونو رئيس مفتي لعل محمد منيب د ننګرهار ولسونو ته په خطاب کې وويل دا نظام ستاسو د قربانيو نتيجه ده او غوښتنه کوو، چې لايې ملاتړ وکړئ او د فعاليتونو په ترسره کولو کې يې همکاري وکړئ. دوی زياته کړه: موږ ستاسو ستونزې واوريدې ډاډ درکوو، چې عاجله پاملرنه به ورته کيږي ځکه ددې خاورې هر بچی زوريدلی دی. خو اوس لله الحمد اسلامي نظام حاکم دی د خپل هر بچي پوښتنه به کوي سهولتونه به ورته برابروي او د دښمن څخه به يې ساتنه کوي.

تازه خبرونه

شنبه ۱۴۰۴/۶/۱ - ۹:۲۰
Background image

کنړ کې ۱۶ کلنه او بلخ کې ۱۴ کلنه شخړه حل شوه

شنبه ۲۹ صفرالمظفر ۱۴۴۷ د بلخ ولايت د سرحدونو، قومونو او قبايلوو چارو رياست مسؤلينو د ولايتي ادارې استازو، قومي مشرانو او ديني عالمانو په همکاري د دغه ولايت په دولت آباد ولسوالي کې د دوو. . .

پنجشنبه ۱۴۰۴/۵/۲۳ - ۱۱:۵۲
Background image

هرات کې د مسؤلينو له لوري يوه پخوانۍ خونړۍ شخړه پای ته ورسېده

 

چهار شنبه ۱۹ صفرالمظفر ۱۴۴۷

د سرحدونو، قومونو او قبايلو چارو وزارت يوه پلاوي هرات ولايت ته د خپل سفر په ترڅ کې د ياد ولايت په کشک کهنه سيمه کې د څو کورنيو ترمنځ د کلونو کلونو. . .

چهارشنبه ۱۴۰۴/۵/۲۲ - ۸:۴۸
Background image

ننګرهار کې دوو کورنيو له ۹ کلنې دښمني لاس واخيست

سه شنبه ۱۸ صفرالمظفر ۱۴۴۷ د ننګرهار ولايت د سرحدونو، قومونو او قبايلو چارو رياست استازو په دوامداره هڅو او د قومي مشرانو په منځګړيتوب په دغه ولايت کې د دوو کورنيو ترمنځ د ۹ کلنې دښمني. . .

BACK TO NEWS

User account menu