له زدکړو څخه بې برخو کوچیانو ته د سواد اموزۍ په برخه کې د ټولگيو پرانستل.
چهار شنبه، ۴جمادي الثاني١٤٤٤
د کندز ولایت د سرحدنو، قومونو او قبايلو چارو رئیس مولوي احسان الله ثاقب او د کوچیانو د انسجام مدیر محمد اصف میاخیل په گډو هلو ځلو د دغه ولایت مېشتو کوچیانو ته د سواد اموزۍ په برخه کې اتلس ټولگي پرانستل شول چې گڼ شمېر نارينه او ښځينه کوچيان پکې گډون کړی وو.
ښاغلي احسان الله ثاقب چې په دې اړه یې په ټولگېو کې له گډون والو سره خبرې کولې وویل: خوشاله یم چې رياست د خپلو ورځينو کارونو د پلي کولو تر څنگ نن کوچيانو ته په مرکز کندز، او بېلوبيلو ولسوالیو کې د سواد اموزۍ په برخه کې تدریسي ټولگي پرانېزي چې په دې سره به د دغه ولايت د کوچيانو زيات شمېر ځوانان په زده کړو سمبال او په ياده برخه کې به يې زیاتې ستونزې هوارې شي.
