لغمان کې د ۵ کلنې شخړې حل
دوشنبه ۳ ذوالقعده الحرام ۱۴۴۷
د لغمان ولايت د سرحدونو، قومونو او قبايلو چارو آمريت مسؤلينو د ولايتي ادارې په همکاري او د قومي مشرانو، د يني عالمانو په هڅو د دغه ولايت په دولت شاه ولسوالۍ کې د ۵ کلونو په دوام شخړه حل او فصل کړه.
د ځينو ټولنيزو مسائلو له کبله راپورته شوې دا پنځه کلنه شخړه، چې يوه مېرمن پکې وژل شوي وه او د ګڼو مالي تاوانونو ترڅنګ يې لوی اختلافات رامنځته کړي وو د مسؤلينو د دوامدارو هڅو په نتيجه کې پای ته ورسېده.
د ښکېلو دواړو کورنيو مشرانو يو بل ته په بښنې کولو سره ژمنه وکړه، چې په راتلونکي کې به ورته جنجالونو ته زړه ښه نه کړي بلکې په ورورولي او سوله کې به خپل ژوند ته دوام ورکوي.
