د کوچیانو چارو د سمون لوی ریاست له مرستیال او یو شمېر قومي مشرانو او ځوانانو سره کتنه!
د سرحدونو او قبایلو چارو وزیر ښاغلي محب لله صمیم نن مازدیګر د کوچیانو چارو د سمون لوی ریاست له مالي او اداري مرستیال ښاغلي زمري کوچي او یو شمېر قومي مشرانو سره د خپل کار په دفتر کې وکتل.
په دې کتنه کې د کوچیانو یو لړ سیمه ییزو ستونزو شریکولو ترڅنګ، د ملي مسایلو په اړه د دواړو ادارو ترمنځ د سلا مشور پر دوام، ګډو هلو ځلو، د همکاریو د پراختیا، د سولې او ملي یووالي په ټینګښت کې د قومي مشرانو پر رول، د وزارت په جرګو کې د کوچیانو د ګډون او یو لړ نورو موضوعګانو په اړه بحث او خبرې وشوې.
