د چارو د ادارې له استازو سره کتنه!
د سرحدونو او قبایلو چارو وزارت مسلکي معین ښاغلي ډاکټر فریدون بارکزي نن یکشنبې د ۱۳۹۸ لمریز کال د وږي میاشتې په ۲۴ مه نېټه د چارو ادارې له استازو ښاغلي محمدا ګل کوچي او آغلې مینه وردګ سره د خپل کار په دفتر کې وکتل.
په دې کتنه کې، چې د مقام د دفتر رئيس ښاغلی نور آقا ناصري هم حاضر و، د وزارت مسلکي معین ښاغلي ډاکټر فریدون بارکزي د وزارت کړنې، فعالیتونه او لاسته راوړنې د چارو ادارې له استازو سره شریک کړل.
همدا راز یې په چارو کې د خوځښت، نوښت او د نورو مثبتو کړنو او اصلاحاتو راوستو ژمنه وکړه. وې ویل: د وزارت مشرتابه تلپاتې هڅې کوي او ټینګار یې پر دې دی ، چې د پلان مطابق ټولې چارې پر ټاکلي وخت او د مثبتو پایلو په لرلو سره ترسره شي.
ښاغلي ډاکټر فریدون بارکزي د چارو د اداري له استازو څخه مننه وکړه، چې وزارت ته یې تشریف راوړلو او د وزارت د کار او فعالیتونو له څرنګوالي څخه یې معلومات تر لاسه کړل.
