د پکتیکا ولایت له يو شمېر قومي مشرانو سره کتنه
شنبه۱۱ د شعبان المعظم١٤٤٤
د سرحدونو، قومونو او قبایلو چارو سرپرست وزیر ملا نورالله نوري د پکتیکا ولایت برمل سرحدي ولسوالۍ له یو شمېر قومي مشرانو او مخورو سره د وزارت کنفرانسونو په تالار کې وکتل. قومي مشرانو غوښتنه درلوده چې د ډنګرلګډ سيمه چې پراخه جغرافيه لري او له مرکز څخه ډيره فاصله لري، په وينا يې بايد ياده سيمه په رسمي ډول په ولسوالۍ بدله شي، له زلزله ځپلو سره دې د کورونو په جوړولو کې مرسته وشي. د سرحدونو، قومونو او قبایلو چارو سرپرست وزیر ملانورالله نوري د یادو مشرانو ستونزې واوریدې او د حل په موخه یې د همکارۍ ژمنه وکړه وې ویل چې زموږ هڅه داده چې ستاسو ستونزې او غوښتنې له اړوندو ادارو سره شریکې کړو تر څو یې د حل په اړه پر وخت اقدام وشي.
