د پلازمينې کابل له يو شمېر قومي مشرانو سره کتنه
پنجشنبه ۱۴۴۶/۴/۲۸
د سرحدونو، قومونو او قبايلو چارو وزارت د جرګو او قبايلوچارو د همغږۍ مرستیال الحاج مولوي محمد علي جان احمد په خپل کاري دفتر کې د کابل ولايت د شيخ محمد روحاني له قومي استازو سره وکتل.
په دغه کتنه کې د یاد قوم مشرانو د ا.ا د ملاتړ ترڅنګ د سرحدونو، قومونو او قبايلو چارو وزارت فعاليتونه وستايل او د ولسونو ترمنځ د شخړو او ستونزو د هواري يو ښه ادرس يې ياد کړ. دوی د وزارت له مسؤلينو سره خپلې ستونزې شريکې کړې او د حل په موخه يې د اقداماتو غوښتنه وکړه.
د سرحدونو، قومونو او قبايلو چارو وزارت د جرګو او قبايلوچارو د همغږۍ مرستیال ښاغلي احمد او د ياد وزارت د جرګو او قبایلي چارو د همغږۍ رئيس شيخ نيک محمد افغاني راغلو قومي مشرانو ته د مننې ترڅنګ ډاډ ورکړ چې په هر حالت د ولسونو ترڅنګ ولاړ دي هغوی وويل: اتحاد اتفاق او يوالی زموږ لومړيتوب دی، په همدې موخه به ستاسو هرې ستونزې ته رسېدنه کوو، موږ مو ترڅنګ ولاړ يو او د پوره همکارۍ ډاډ درکوو.
