د وزارت لیسو ته د زده کوونکو د جذب متفرقه ازموینه واخیستل شوه
۲۲/۹/۱۴۴۵ هـ ق
په مرکز کابل کې د سرحدونو، قومونو او قبایلو چارو وزارت اړوند ښوونیزو مرکزونو ته د زده کوونکو د جذب متفرقه ازموینه واخیستل شوه. په دغه ازموینه کې شاوخوا (۲۰۰) هغو زده کوونکو ګډون کړی وو، چې تېرې ازموینې ته یې نوم لیکنه کړې وه، خو له مرکز کابل څخه د لرې والي، ناروغۍ او ځیني نورو ستونزو له کبله ناسوب وو.
د دغې ازموینې له طریقه کې به د هیواد له ټولو ولایتونو او لرې پرتو ولسوالیو څخه د خپل سهم په اساس زده کوونکې د وزارت درې ګونو لېسو ته جذب او پایلې به یې په نږدې ورځو کې د وزارت له ویب پاڼې نشر شي.
د یادونې وړ ده چې د سرحدونو، قومونو او قبایلو چارو وزارت د هیواد په مرکز او ولایتونو کې د محرومو سیمو زده کوونکو ته د زده کړو اسانتیاوې رامنځته کړې او د دوی د استعدادونو غوړولو لپاره هڅې کوي.
