د وزارت اړوند لېسو او انستیټیوت زده کوونکو ترمنځ د کرکټ او والیبال سیالۍ پیل شوې
١٤٤٤قمري کال د ربيع الثاني٢٢مه
په یاده غونډه کې چې په همدې مناسبت جوړه شوې وه د سرحدونو، قومونو او قبایلو چارو وزارت د ښوونې او روزنې رئیس محمد نبي شهاب، د انستیټیوت او لېسو امرینو او یو شمیر مېلمنو پکې ګډون کړی ؤ. په پیل کې د ښوونې او روزنې رئیس ښاغلي شهاب د یاد ریاست د لاسته راوړنو، کانکور په ازموینه کې د لوړو زدکړو بېلابیلو څانګو ته د زده کوونکو د لار موندنې په اړه خبرې وکړې د کرکټ او والیبال لوبغاړو ته یې ډاډ ورکړ چې ملاتړ به در څخه کوو او دا لړۍ به دوامداره ساتو. د رحمان بابا لېسې آمر هم پخپله وینا کې ورزش د زده کوونکو د سلامتیا لپاره اړین وباله او د دا ډول سیالیو په لاره اچول یې ګټور وبلل.
