د نيمرو ولايت په مرکز زرنج ښار کې له ايران سره ترانزيټي لارې او سرحدي نقاطو څخه ليدنه
۱۴/رجب المرجب
د سرحدونو، قومونو او قبایلو چارو سرپرست وزير الحاج ملا نورالله نوري د نيمروز ولايت په مرکز زرنج کې د ايران سره پر ګډه پوله د ورېښمو پل او سرحدي نقاطو څخه ليدنه تر سره کړه.
ددې کتنې پر مهال چې د نيمروز مرستيال والي الحاج محمدنبي عثماني،د نيمروز د سرحدونو قومونو او قبایلو چارو رئيس مولوي عبدالرحمن جميل، سرحدي کارشناس قاري عبدالعزيز بلال او د وزارت د اطلاعاتو او عامه اړيکو رئيس ملا حمدالله فطرت يې هم ملتيا کوله د همدې ترانزيټي لارې له کميسار مولوي حنظله او دفاعي او امنيتي مسوولينو سره وکتل.
ښاغلي نوري د ياد سرحد له مسؤلينو د سرحد په اړه معلومات ترلاسه او ددوئ ستونزې يې واوريدې.
د سرحدونو قومونو او قبایلو چارو سرپرست وزير ښاغلي نوري پخپلو خبرو کې زياته کړه: د هيواد د پولو څارنه او ساتنه يو ستر او سپيڅلی مسؤليت دی چې بايد په ډير دقت ترسره شي.
