د میدان وردګ په دایمیرداد ولسوالي کې له قومي مشرانو او عامو خلکو سره غونډه وشوه
پنجشنبه ۴ ربيع الأول ۱۴۴۷
د سرحدونو قومونو او قبايلو چارو وزارت د پلان او لارښوونو پربنسټ د میدان وردګ ولایت په دایمیرداد ولسوالي کې د ياد ولايت د سرحدونو، قومونو او قبايلوچارو آمریت لخوا د ولسونو له استازو، قومي مشرانو او ديني عالمان سره د اسلامي اخوت او ولسي ستونزو د اورېدو په مناسبت غونډه ترسره شوه.
په دغه غونډه کې د اسلامي امارت مشرانو د خپلو خبرو له لارې د اسلامي امارت لاسته راوړنې روښانه کړې، ولسونو ته يې په هيواد کې د بشپړ امنيت، مال، ځان او عزت د خونديتوب ډاډ ورکړ. يادو مشرانو د همدې غونډې پرمهال دامیرالمؤمنین حفظه الله هغه فرمانونه خلکو ته ولوستل، چې پکې د خېښیو، ودونو، مړي، حج او عمري په مراسمو کې د لوړو لګښتونو د مخنیوي لارښوونې شوې دي.
ورپسې ولسي خلکو خپلې سيمه ييزې ستونزې او وړانديزونه له مسؤلينو سره شريک کړل او د ډاډ په څرګندولو سره يې د اسلامي امارت له مشرانو څخه مننه وکړه، چې په وينا يې د دوی ترڅنګ ولاړ دي او ولسي ستونزو ته يې د حل لارې لټوي.
