د ماشین آلاتو، پرزو او تېلو داوطلبي
د سرحدونو، قومونو او قبایلو چارو وزارت په شرایطو برابرو غوښتونکو ته بلنه ورکوي چې د ماشین آلاتو، پرزو، حصو، تېلو او باډۍ پاسونو د داوطلبي په پروسه کې ګډون وکړي، د شرطپاڼې چاپ شوی نقل د (۱۰۰۰) افغانیو په بدل کې د تدارکاتو له آمریت څخه ترلاسه او د تدارکاتو د قانون، کړنلارې او په شرطپاڼه کې د لیکلو شرایطو په نظر کې نیولو سره یې ډکه کړي او د نشر له نېټې څخه بیا د سه شنبه ۱۳/۳/۱۴۰۴ هـ ل نېټه چې د آفرونو د تړنې وروستۍ ورځ ده، په سرټړلي شکل د یاد وزارت اړوند د تدارکاتو ریاست د آفرونو په صندوق کې واچوي.
د یادونې وړ ده، چې د غوښتنې یا آفر تضمین د بانکي ګرنټي او یا هم(۳۶۹۰۰۰) درې لکه نهه شپېته زره افغانیو نغدو پیسو په اساس ترسره کېږي او د غوښتنپاڼو کتنه (آفرګشایي) ۱۴/۳/۱۴۰۴ هـ.ل کال د سه شنبې په ۲:۰۰ بجو ترسره کېږي. همدا راز انلاین او ناوخته غوښتنپاڼې نه منل کېږي.
پته: د میدان هوایي سرک، سترې محکمې ته څېرمه د سرحدونو، قومونو او قبایلو چارو وزارت کابل-افغانستان
