د لویدځې حوزې د انسجام شورا له مشرتابه او غړو سره ناسته!
۱۳۹۹/۱۱/۱۸
د سرحدونو او قبایلو چارو وزیر ښاغلي محب الله صمیم نن له غرمې وروسته د لویدیځې حوزې د انسجام شورا له رییس ښاغلي نثار احمد حبیبي غوري او غړو سره د خپل کار په دفتر کې وکتل.
په دې کتنه کې د یادې شورا رئيس ښاغلي غوري د نورو په استازیتوب خبرې وکړې او د خپلو یو لړ سیمه ییزو ستونزو شریکولو ترڅنګ یې له موجوده نظام څخه ملاتړ څرګند کړ.
ورپسې ښاغلي محب الله صمیم د دوی له ملي او هېوادني احساس څخه مننه وکړه وې ویل: قومي شوراګانې او قومي مخور کولای شي، چې د نظام د پایښت لپاره خلک و هڅوي او د سولې په ټینګښت کې رغنده رول ولوبوي.
ښاغلي صمیم د نوموړو ستونزې په ځای وبللې او له اړوندو ادارو سره یې د شریکولو ژمنه وکړه.
